الدفان الى المولاى المقدس قدس سره

يا دفان بالله عليك تصل لمحمد تفزعة

گلة الشيعة محتامة تريد تصلي الجمعة

بعد عندي نشد وياك يا دفان من طب الصدرللگاع

كلي شلون بالله تلكتة الوسعة

هم تبجي عليه وتنوح

لو مذهب علي الكرار متعنيه يبوس بيه ويودعة

وأطول بالنشد وياك ألميمون طب وياه

لو گصد زينب يهرول يسجب الدمعة

بعد عندي رسالة وياك امانة توصل الحالة

ولو أدري تفرحةلچن ترجع تهيج جروحة وتوجعة

طاغوت الوگف ضدة بألزاغور ظل لابد

وألگملة تصول بلحيتة وترعة

وأزلام البعث تلبد ورة الخرفان

تخاف من ألنحر مرعوبة متروعة

لجن گلة عگب عيناه عراق تولتة ألأقزام

توزع بيه وتگطعة

وكف شبلك يا شبل حسين بالميدان

وألزمرة الخبيثة عليه مجتمعة

نفس ألحاربوك ردود ردوا ليه

حياية بأسم هذا ألدين گصدهة تصوب البظعة

وأبن ألعاص رد لينة جابنة الشمر وياه

وألشيعة تصيح وتندب مفرعة

أنهض گوم يا محمد وادم عبدت ألشيطان

بعدهة بأسمك تتاجر هدفهة الشهرة وألسمعة

نهج حسين يا مولاي صاير بألمزاد اليوم

والزمرة تدلل بيه منو أليدفع تگصدة تبيعلة بسرعة

وأذا ما تنهضنة أليوم اخذنة رسالة وياك للمهدي

گلة ألشيعة مهظومة صفت مولاي متلوعة

حلفة يجرد ألبتار خل ينهض علمهة يكسرة ويوگعة